حالة مرضية | خناق بيرنزميتال

القصة المرضية

مريضة بعمر 37 سنة اجت عالاسعاف الساعة 3 صباحا بقصة الم صدري مركزي عاصر ضاغط (عم تقول حاسة كانو في جبل على صدري) مع غثيان و تعرق..
بالقصة تبين وزنا مثالي و بتمارس الرياضة يوميا....غير مدخنة و غير كحولية...ما عندا ضغط ولا سكري...متزوجة و عندا ولدين و الدورة الطمثية منتظمة تماما مافي اي مشكلة..
والدها توفى بعمر 80 سنة باحتشاء عضلة قلبية عابر للجدار....ذكر زوج المريضة انو عم تتكرر معا الحالة اخر شهرين وعم تفيق بالليل بالم صدري حوالي 3 او 4 صباحا بس هالمرة كان شديد جدا..
بسيارة الاسعاف بالطريق لعندك عملولا تخطيط خلال نوبة الالم طلع عندا #تزحل_ST_نحو_الاعلى...
انت هون بما انو في تزحل للاعلى طلبتلا خمائر قلب و تصوير شرايين اكليلية ظليل
سؤالي الك: شو بتتوقع نتائج القثطرة و الخمائر؟؟
المريضة صحتا ممتازة ليش هيك صاير معا شو التشخيص الممكن؟؟
شو العلاج؟؟